У Беларусі ў наступным годзе плануюць адмяніць мінімальны спажывецкі бюджэт, пра гэта паведамляецца ў абгрунтаванні да плана падрыхтоўкі законапраектаў на 2020 год, апублікаваным на сайце Нацыянальнага цэнтра заканадаўства і прававых даследаванняў.

У законы па пытаннях прымянення сацыяльных нарматываў плануецца ўнесці папраўкі.

Неабходнасць зменаў абгрунтоўваецца жаданнем дзяржавы перайсці на адзіныя крытэрыі пры фарміраванні палітыкі рэгулявання ўзроўню жыцця і ажыццяўленні мер сацыяльнай абароны насельніцтва рэспублікі.

"Прапануецца адмяніць мінімальны спажывецкі бюджэт і прызначаць выплаты, іншыя абавязацельствы дзяржавы, а таксама крытэрыі прадастаўлення асобных відаў дзяржаўнай дапамогі ў залежнасці ад бюджэту пражытачнага мінімуму з улікам наяўных сацыяльна-дэмаграфічных груп", - гаворыцца ў абгрунтаванні.

Калі МСБ будзе адменены, будуць перагледжаны і ўсе нарматыўныя прававыя акты, якія базуюцца на гэтым сацыяльным нарматыве.

Пад мінімальным спажывецкім бюджэтам маюцца на ўвазе выдаткі на пэўны набор тавараў і паслуг, якія неабходныя для задавальнення асноўных патрэбаў чалавека. Разлічваецца для розных груп насельніцтва з улікам працаздольнасці, ўзросту і сямейнага становішча.

З 1 лютага гэтага года мінімальны спажывецкі бюджэт для беларусаў працаздольнага ўзросту складае 479,88 рубля. Гэтая велічыня пераглядаецца штоквартальна.

Мінімальны спажывецкі бюджэт не трэба блытаць з бюджэтам пражытачнага мінімуму - сумай, якая патрэбна чалавеку для задавальнення сваіх патрэбаў. Цяпер ён складае складае 239,87 рубля.

Мінск, 4 сакавіка 2020
Sputnik