Экспарт беларускага вытворцы легкавых аўтамабіляў СЗАТ "БЕЛДЖЫ" за студзень - верасень 2019 года перасягнуў $100 млн.
Генадзь Свідзерскі праінфармаваў, што па выніках дзевяці месяцаў аб`ём экспарту ў Расію склаў больш як $100 млн. Перад заводам стаіць задача пашырыць геаграфію паставак.
"Мы правялі перагаворы з Казахстанам, Арменіяй, Таджыкістанам, Літвой, Польшчай, Украінай", - адзначыў ён.
"Зроблены некаторыя перадпаставачныя крокі: па арганізацыі сэрвіснай сеткі, выбары дылераў, будаўніцтве шоу-румаў. Фактычна мы завяршаем гэтыя работы. Перакананы, што ў наступным годзе будзе пашырана геаграфія паставак", - падкрэсліў першы намеснік міністра.
Закранаючы фінансава-эканамічныя паказчыкі, Генадзь Свідзерскі праінфармаваў, што за дзевяць месяцаў прадпрыемства спрацавала прыбыткова.
"Ёсць чысты прыбытак, прыбытак ад рэалізацыі. Сярэдняя зарплата на заводзе большая за Br1100", - сказаў ён. У бягучым годзе заводам выраблена больш за 22 тыс. машын. Аб`ём выпуску ў змену дасягнуў 100 аўтамабіляў.
"Пры адназменным рэжыме работы фактычна мы выйшлі на праектную магутнасць", - звярнуў увагу Генадзь Свідзерскі.
Урачыстае адкрыццё завода "БелДжы" адбылося 17 лістапада 2017 года. Новае прадпрыемства размясцілася паміж Барысавам і Жодзінам, займае плошчу 118 га.
Аўтамабілі беларускай зборкі маркі Geely сертыфікаваны згодна з патрабаваннямі тэхнічнага рэгламенту Мытнага саюза, выпрабаваны па методыцы EuroNCAP (тэсты прадугледжваюць такія выпрабаванні, як франтальны, бакавы ўдар і інш.).
1 лістапада 2019, Мінск
БЕЛТА
Генадзь Свідзерскі праінфармаваў, што па выніках дзевяці месяцаў аб`ём экспарту ў Расію склаў больш як $100 млн. Перад заводам стаіць задача пашырыць геаграфію паставак.
"Мы правялі перагаворы з Казахстанам, Арменіяй, Таджыкістанам, Літвой, Польшчай, Украінай", - адзначыў ён.
"Зроблены некаторыя перадпаставачныя крокі: па арганізацыі сэрвіснай сеткі, выбары дылераў, будаўніцтве шоу-румаў. Фактычна мы завяршаем гэтыя работы. Перакананы, што ў наступным годзе будзе пашырана геаграфія паставак", - падкрэсліў першы намеснік міністра.
Закранаючы фінансава-эканамічныя паказчыкі, Генадзь Свідзерскі праінфармаваў, што за дзевяць месяцаў прадпрыемства спрацавала прыбыткова.
"Ёсць чысты прыбытак, прыбытак ад рэалізацыі. Сярэдняя зарплата на заводзе большая за Br1100", - сказаў ён. У бягучым годзе заводам выраблена больш за 22 тыс. машын. Аб`ём выпуску ў змену дасягнуў 100 аўтамабіляў.
"Пры адназменным рэжыме работы фактычна мы выйшлі на праектную магутнасць", - звярнуў увагу Генадзь Свідзерскі.
Урачыстае адкрыццё завода "БелДжы" адбылося 17 лістапада 2017 года. Новае прадпрыемства размясцілася паміж Барысавам і Жодзінам, займае плошчу 118 га.
Аўтамабілі беларускай зборкі маркі Geely сертыфікаваны згодна з патрабаваннямі тэхнічнага рэгламенту Мытнага саюза, выпрабаваны па методыцы EuroNCAP (тэсты прадугледжваюць такія выпрабаванні, як франтальны, бакавы ўдар і інш.).
1 лістапада 2019, Мінск
БЕЛТА
