Эскалацыя гандлёвай напружанасці і запаволенне сусветнай эканомікі прымусілі эканамістаў СГА рэзка знізіць свае прагнозы росту гандлю ў 2019 і 2020 гадах.

Паказчык аб`ёмаў росту ў бягучым годзе павялічыцца ўсяго на 1,2 працэнта. Гэта стала мінімальным значэннем за апошнія 10 гадоў. Акрамя таго, гэта значна ніжэй за красавіцкі прагноз па росце гандлю, які складаў 2,6 працэнта.

Пры гэтым у 2020-м СГА чакае паскарэння росту гандлю да 2,7 працэнта, але і гэта аказваецца горш за вясенні прагноз 3 працэнты.

Паведамляецца, што найбольшую рызыку ўяўляюць такія канфлікты, як, напрыклад, гандлёвая вайна паміж ЗША і Кітаем. Разам з тым макраэканамічныя шокі і фінансавая нестабільнасць таксама з`яўляюцца патэнцыяльнымі прычынамі больш рэзкага спаду.

Індыкатары ўказваюць на трывожную траекторыю сусветнага гандлю, заснаваную на глабальных экспартных заказах, і нявызначанасць эканамічнай палітыкі.

Рост экспарту і імпарту запаволіўся ва ўсіх рэгіёнах і на ўсіх узроўнях развіцця ў першай палавіне 2019 года.

2 кастрычніка 2019, Мінск
БЕЛТА