Перад адлётам Абдэль Фатаха ас-Сісі лідары краін правялі кароткую размову ў аэрапорце. Прэзідэнт Егіпта адзначыў гасціннасць, аказаную ўсёй дэлегацыі на беларускай зямлі, а таксама той факт, што, нягледзячы на ранні час, Аляксандр Лукашэнка прыняў рашэнне асабіста праводзіць яго ў аэрапорт: "Вельмі ўдзячны за такі добры жэст. Хачу асобна асабліва падзякаваць за вашу гасціннасць, цёплы прыём у ходзе візіту ў вашу цудоўную краіну".
"Я нічога надзвычайнага не зрабіў. Такая ж гасціннасць была ў адносінах да мяне ў Егіпце, - сказаў у сваю чаргу Аляксандр Лукашэнка. - Што датычыцца такога ранняга часу, як вы сказалі, дык я чалавек вясковы. І я прывык у 5 гадзін пастаянна прачынацца і пачынаць рабочы дзень. Сустрэцца перад вашым адлётам на радзіму для мяне прыемнасць, каб яшчэ раз пагаварыць, даведацца аб вашых уражаннях ад гэтага візіту. Мы - сябры. І гэтым усё сказана".
У сваю чаргу Абдэль Фатах ас-Сісі канстатаваў, што з моманту папярэдняй сустрэчы ў Егіпце ў 2017 годзе паміж лідарамі краін усталяваліся вельмі добрыя і цёплыя адносіны.
"Мы знайшлі ўзаемаразуменне ў інтарэсах умацавання супрацоўніцтва і двухбаковых адносін паміж нашымі краінамі на карысць народаў Егіпта і Беларусі", - адзначыў ён.
Прэзідэнт Егіпта дадаў, што яго візіт у Беларусь стаў дапаўненнем да пагадненняў і дамоўленасцей, дасягнутых у час візіту кіраўніка беларускай дзяржавы ў Каір.
"Перагаворы, якія ў нас адбыліся, адлюстроўваюць, наколькі вялікія перспектывы ёсць для развіцця двухбаковых адносін. Але яшчэ больш важна - паказваюць, наколькі вы вялікі, харызматычны, цудоўны чалавек. Для мяне заўсёды вялікая пашана і радасць з вамі сустракацца", - сказаў Абдэль Фатах ас-Сісі.
Аляксандр Лукашэнка таксама перадаў Прэзідэнту Егіпта гасцінцы: чорную ікру айчыннай вытворчасці, клубніцы і хлеб.
Прэзідэнт Егіпта Абдэль Фатах ас-Сісі знаходзіўся ў Беларусі з афіцыйным візітам з 17 чэрвеня. У час яго знаходжання ў краіне адбыліся афіцыйныя перагаворы на вышэйшым узроўні, а таксама сустрэчы з кіраўніцтвам урада і Нацыянальнага сходу.
Бакі пацвердзілі гатоўнасць пашыраць двухбаковыя адносіны па ўсіх напрамках, уключаючы гандлёва-эканамічную сферу. Падпісана комплексная праграма (дарожная карта) развіцця супрацоўніцтва на 2019-2020 гады і іншыя дакументы.
19 чэрвеня 2019, Мінск
Уладзімір Мацвееў - БЕЛТА
"Я нічога надзвычайнага не зрабіў. Такая ж гасціннасць была ў адносінах да мяне ў Егіпце, - сказаў у сваю чаргу Аляксандр Лукашэнка. - Што датычыцца такога ранняга часу, як вы сказалі, дык я чалавек вясковы. І я прывык у 5 гадзін пастаянна прачынацца і пачынаць рабочы дзень. Сустрэцца перад вашым адлётам на радзіму для мяне прыемнасць, каб яшчэ раз пагаварыць, даведацца аб вашых уражаннях ад гэтага візіту. Мы - сябры. І гэтым усё сказана".
У сваю чаргу Абдэль Фатах ас-Сісі канстатаваў, што з моманту папярэдняй сустрэчы ў Егіпце ў 2017 годзе паміж лідарамі краін усталяваліся вельмі добрыя і цёплыя адносіны.
"Мы знайшлі ўзаемаразуменне ў інтарэсах умацавання супрацоўніцтва і двухбаковых адносін паміж нашымі краінамі на карысць народаў Егіпта і Беларусі", - адзначыў ён.
Прэзідэнт Егіпта дадаў, што яго візіт у Беларусь стаў дапаўненнем да пагадненняў і дамоўленасцей, дасягнутых у час візіту кіраўніка беларускай дзяржавы ў Каір.
"Перагаворы, якія ў нас адбыліся, адлюстроўваюць, наколькі вялікія перспектывы ёсць для развіцця двухбаковых адносін. Але яшчэ больш важна - паказваюць, наколькі вы вялікі, харызматычны, цудоўны чалавек. Для мяне заўсёды вялікая пашана і радасць з вамі сустракацца", - сказаў Абдэль Фатах ас-Сісі.
Аляксандр Лукашэнка таксама перадаў Прэзідэнту Егіпта гасцінцы: чорную ікру айчыннай вытворчасці, клубніцы і хлеб.
Прэзідэнт Егіпта Абдэль Фатах ас-Сісі знаходзіўся ў Беларусі з афіцыйным візітам з 17 чэрвеня. У час яго знаходжання ў краіне адбыліся афіцыйныя перагаворы на вышэйшым узроўні, а таксама сустрэчы з кіраўніцтвам урада і Нацыянальнага сходу.
Бакі пацвердзілі гатоўнасць пашыраць двухбаковыя адносіны па ўсіх напрамках, уключаючы гандлёва-эканамічную сферу. Падпісана комплексная праграма (дарожная карта) развіцця супрацоўніцтва на 2019-2020 гады і іншыя дакументы.
19 чэрвеня 2019, Мінск
Уладзімір Мацвееў - БЕЛТА
