Беларусь паставіць у Венесуэлу 500 тон сухога неразведзенага малака на бязвыплатнай аснове. 

"Прадукт будзе выраблены Лепельскім малочна-кансервавым камбінатам і ААТ "Беллакт" па венесуэльскіх стандартах і ўтрымліваць вітаміны A і D", — адзначаецца ў рэлізе.

"Гэтае рашэнне накіраванае на аказанне ў складанай эканамічнай сітуацыі падтрымкі стратэгічнаму партнёру Беларусі ў Лацінскай Амерыцы, далейшую актывізацыю палітычнага і дзелавога супрацоўніцтва, умацаванне даверу і дружалюбных адносін паміж дзвюма краінамі і народамі", — гаворыцца ў паведамленні.

БелаПАН
Мінск, 11 верасня 2018