Рэспубліканскае ўнітарнае прадпрыемства "Кіруючая кампанія холдынгу "Белаўтадар" пераўтворана ў адкрытае акцыянернае таварыства. Статус ААТ стварае холдынгу новыя магчымасці ў прымяненні арганізацыйных і фінансавых інструментаў падтрымкі і развіцця яго экспартнай дзейнасці, паведамляе Дзяржаўны камітэт па маёмасці.

Распараджэннем прэзідэнта ад 9 лiпеня 2016 года было даручана завяршыць пераўтварэнне РУП "Кіруючая кампанія холдынгу "Белаўтадар" у адкрытае акцыянернае таварыства ў 2016 годзе.

100% акцый таварыства знаходзяцца ва ўласнасці Рэспублікі Беларусь, ва ўпраўленні Дзяржкаммаёмасці. Статутны фонд складае 132.432.300 беларускіх рублёў.

Як адзначаюць у Дзяржкаммаёмасці, атрыманне статусу ААТ стварае дадатковыя магчымасці ў прымяненні недаступных да гэтага арганізацыйных і фінансавых інструментаў падтрымкі і развіцця экспартнай дзейнасці холдынгу "Белаўтадар". Пашырае магчымасці для прыцягнення новых крыніц фінансавання для развіцця даччыных кампаній і выбудоўвання адносін з міжнароднымі фінансавымі структурамі. У прыватнасці, дае юрыдычна абгрунтаванае права ўдзельнічаць "Белаўтадару" ў рэалізацыі праектаў дзяржаўна-прыватнага партнёрства на баку прыватнага партнёра.

"Ужо ў найбліжэйшай будучыні плануецца пачаць прадметныя перамовы з патэнцыяльнымі партнёрамі і фінансавымі арганізацыямі па сумесным удзеле ў пілотным ДПП-праекце рэканструкцыі аўтамабільнай дарогі М-10: мяжа Расійскай Федэрацыі (Селішча) — Гомель — Кобрын, км 109,9 — км 184,5", — адзначаецца ў паведамленні.

Органамі кіравання ААТ "Кіруючая кампанія холдынгу "Белаўтадар" з`яўляюцца агульны сход акцыянераў ААТ, назіральны савет і аднаасобны выканаўчы орган — генеральны дырэктар, які абіраецца наглядальным саветам таварыства.

Аляксей Арэшка, БелаПАН
Мінск, 6 студзеня 2017