Пытанні павышэння крэдытнага рэйтынгу Беларусі па класіфікацыі Арганізацыі эканамічнага супрацоўніцтва і развіцця (АЭСР) абмеркаваны на сустрэчы беларускай дэлегацыі ў Берліне з членамі міжміністэрскага камітэта па экспартных гарантыях і экспартных паручыцельствах ФРГ.

У склад беларускай дэлегацыі на чале з першым намеснікам міністра фінансаў Максімам Ермаловічам увайшлі першы намеснік міністра замежных спраў Аляксандр Міхневіч, намеснік міністра эканомікі Антон Кудасаў, намеснік старшыні праўлення Нацыянальнага банка Дзмітрый Калечыц.

Члены беларускай дэлегацыі таксама сустрэліся з прадстаўнікамі кіраўніцтва банка "АКА Аусфуркрэдыт-ГмбХ", што спецыялізуецца на фінансаванні экспартных здзелак. Бакі абмеркавалі перспектывы далейшага ўзаемадзеяння беларускага боку з германскім банкам, іншыя пытанні, маючыя ўзаемны інтарэс.

Як паведамілі ў МЗС, шырокі спектр пытанняў узаемадзеяння ў міжнародных эканамічных арганізацыях і фінансавых структурах абмяркоўваўся і на сустрэчы беларускага пасла ў Злучаным Каралеўстве Вялікабрытаніі і Паўночнай Ірландыі Сяргея Алейніка з першым намеснікам міністра фінансаў гэтай краіны Грэгам Хэндсам.

Таксама разглядаліся перспектывы двухбаковага ўзаемадзеяння ў банкаўска-фінансавай сферы ў мэтах развіцця беларуска-брытанскага эканамічнага супрацоўніцтва.

15 студзеня 2016, Мінск
БЕЛТА