На пасяджэнні ў вузкім складзе было прынята рашэнне, што Расія і Казахстан вельмі сур`ёзна папрацуюць на граніцы з Кыргызстанам і зробяць максімум, каб народ гэтай краіны адчуў, якую карысць ён мае ад ЕАЭС, сказаў Аляксандр Лукашэнка.

Кіраўнік дзяржавы выказаў упэўненасць, што гэта прынясе вялікую карысць Кыргызстану, у тым ліку па пастаўках на агульны рынак мясной прадукцыі і іншых тавараў. "У бліжэйшы час, я думаю, да новага года, гэтыя пытанні будуць не проста вывучаны, а пашыраны, і Кыргызстан не пашкадуе, што ён уступіў у наш адзіны эканамічны саюз", - дадаў Прэзідэнт Беларусі.

16 кастрычніка 2015, Бурабай
Святлана Саўко - БЕЛТА