Нурсултан Назарбаеў падпісаў закон аб ратыфікацыі пагаднення дзяржаў — членаў Мытнага саюза (МС) аб ліквідацыі тэхнічных бар`ераў ва ўзаемным гандлі з дзяржавамі — удзельніцамі СНД, якія не з`яўляюцца членамі МС.

Пагадненне было падпісанае 17 снежня 2012 года ў Маскве. Дакумент прадугледжвае, што любая з краін СНД можа прымяняць тэхнічныя рэгламенты МС і рашэнні Камісіі МС, неабходныя для іх прымянення, і ўстанаўлівае ўмовы прымянення гэтых норм. Зацікаўленая дзяржава можа далучыцца да аднаго з двух рэжымаў тэхнічнага рэгулявання — альтэрнатыўнага ці безальтэрнатыўнага.

Аляксандр Лукашэнка падпісаў закон аб ратыфікацыі пагаднення ў ліпені 2013 года.

Сяргей Каралевіч, БелаПАН
Мінск, 12 сакавіка 2015