У пералік увайшлі 57 гаспадарчых таварыстваў на агульную суму амаль $850 млн. Цяпер фарміруюцца ўмовы прыватызацыі па кожным з аб`ектаў. Азнаёміцца са спісам можна будзе ў лютым бягучага года пасля яго адабрэння калегіяй Дзяржкаммаёмасці.

Таксама для вызначэння асноўных мерапрыемстваў па арганізацыі работ па прыватызацыі і каардынацыі дзеянняў усіх зацікаўленых пры іх правядзенні Дзяржкаммаёмасці падрыхтаваны План дзеянняў па прыватызацыі ў 2015 годзе дзяржаўнай маёмасці.

Як паведамлялася раней, згодна з пастановай Савета Міністраў, Дзяржкаммаёмасці, аблвыканкамам і Мінскаму гарвыканкаму сумесна з органамі дзяржкіравання было даручана сфарміраваць пералік прапанавання аб`ектаў прыватызацыі на суму не меншую за $850 млн для продажу інвестарам у 2015 годзе.

12 студзеня 2015, Мінск
БЕЛТА