Дэфіцыт бюджэту сектара дзяржаўнага кіравання (рэспубліканскі бюджэт, мясцовыя бюджэты і бюджэт Фонду сацыяльнай абароны насельніцтва) за студзень-люты 2013 года склаў мінус Br9,4 млрд., або 0,012 працэнта ВУП.

Даходы бюджэту сектара дзяржаўнага кіравання за студзень-люты 2013 года склаліся ў суме Br36,3 трлн., або 13,5 працэнта ўдакладненага гадавога плана. Даходы рэспубліканскага бюджэту склалі Br14,9 трлн., або 12,3 працэнта ўдакладненага гадавога плана.

За студзень-люты 2013 года паступленне ПДВ склала Br9,1 трлн., або 15,3 працэнта ўдакладненага гадавога плана. Падатку на прыбытак паступіла Br0,8 трлн., або 2,7 працэнта ўдакладненага гадавога плана. Акцызы паступілі ў суме Br2,5 трлн., або 14,9 працэнта ўдакладненага гадавога плана. Даходы ад знешнеэканамічнай дзейнасці склалі Br3,4 трлн., або 11,3 працэнта ўдакладненага гадавога плана. Паступленні ў Фонд сацыяльнай абароны насельніцтва (ФСАН) склалі Br11,5 трлн., або 16,4 працэнта зацверджанага гадавога плана.

Па стану на 1 сакавіка 2013 года запазычанасць па падатках і зборах склала Br215,5 млрд. і скарацілася за люты 2013 года на Br17,3 млрд.

Расходы бюджэту сектара дзяржаўнага кіравання за студзень-люты 2013 года склалі Br36,3 трлн., або 13,5 працэнта ўдакладненага гадавога плана. Расходы рэспубліканскага бюджэту склалі Br14,3 трлн., або 11,8 працэнта ўдакладненага гадавога плана.

Пры гэтым расходы на агульнадзяржаўную дзейнасць склалі Br4,5 трлн. (8,4 працэнта), на фінансаванне нацыянальнай эканомікі - Br4,4 трлн. (14,1 працэнта), на фінансаванне сацыяльнай сферы (сацыяльная палітыка, адукацыя, ахова здароўя, фізічная культура, спорт, культура і сродкі масавай інфармацыі, Фонд сацыяльнай абароны насельніцтва) накіравана Br23,1 трлн. (15,4 працэнта).

Як растлумачылі ў Міністэрстве фінансаў, у лютым бягучага года павялічыліся выплаты дапамог па догляду дзіцяці ва ўзросце да 3 гадоў за кошт сродкаў ФСАН, у сувязі з прыняццем закона ад 29 снежня 2012 года нумар 7-З "Аб дзяржаўных дапамогах сем`ям, якія выхоўваюць дзяцей", што паўплывала на вынікі выканання бюджэту сектара дзяржаўнага кіравання. Часовы касавы разрыў, які ўтварыўся пры выкананні бюджэту ФСАН, будзе ліквідаваны ў першым паўгоддзі бягучага года за кошт тых даходаў, якія паступаюць у бюджэт фонду, адзначылі ў міністэрстве.

4 красавіка 2013, Мінск
Ганна Кот- БЕЛТА