У польскай Бяла-Падлясцы 6-8 снежня адбудзецца XV юбілейны польска-беларускі эканамічны форум "Добрасуседства -2011", паведамілі ў Беларускай гандлёва-прамысловай палаце.
Галоўнай тэмай мерапрыемства будзе "Эканамічнае супрацоўніцтва як ключ да дабрабыту грамадства". Форум праводзіцца з мэтай актывізацыі двухбаковага гандлёва-эканамічнага супрацоўніцтва, устаранення бар`ераў, існуючых у гандлі, а таксам пошуку шляхоў па змякчэнню наступстваў сусветнага фінансавага крызісу. У мерапрыемстве чакаецца ўдзел амаль 30 прадстаўнікоў ведамстваў, бізнесу, прадпрыемстваў дзвюх краін.
"Добрасуседства" пройдзе пад ганаровым патранатам міністраў эканомікі і міністраў сельскай гаспадаркі Польшчы і Беларусі. Арганізатарамі форуму з`яўляюцца Польска-беларуская гандлёва-прамысловая палата, Беларуская гандлёва-прамысловая палата, Гандлёвая палата ў Бяла-Падлясцы і маршал Люблінскага ваяводства.
Звязда, 6 снежня 2011
