У студзені—маі 2011 года тэмп росту прадукцыйнасці працы ў Беларусі склаўся ніжэйшы за рост рэальнай заработнай платы на 7,3%, паведамляе аддзел па грамадскіх сувязях Міністэрства эканомікі.
Такім чынам, зазначаецца ў паведамленні, "захоўваецца тэндэнцыя перавышэння тэмпаў росту рэальнай заработнай платы над тэмпамі росту прадукцыйнасці працы. "Разам з тым ужо можна казаць пра дынаміку да збліжэння значэнняў гэтых паказчыкаў", — падкрэсліваюць у міністэрстве. Так, у студзені тэмп росту зарплаты склаў 127,2%, прадукцыйнасці працы — 107,2%, у студзені-сакавіку — 125,2% і 110,6% адпаведна, у студзені-красавіку — 123,4% і 112%, у студзені-маі — 119,6% і 112,3%.
Марына Носава,
БелаПАНМінск, 19 ліпеня 2011
