Золатавалютныя рэзервы Беларусі за жнівень выраслі на 14,2% да $ 8,5 млрд

Міжнародныя рэзервовыя актывы Беларусі на 1 верасня 2021, па папярэдніх дадзеных, склалі $ 8496,7 млн у эквіваленце, паведамілі ва ўпраўленні інфармацыі і грамадскіх сувязей Нацыянальнага банка.

За жнівень 2021 года золатавалютныя рэзервы павялічыліся на $ 1054300000 (на 14,2%) пасля росту ў ліпені на $ 33 млн (на 0,4%).

Рост узроўню золатавалютных рэзерваў у жніўні ў асноўным абумоўлены размеркаваннем спецыяльных правоў пазыкі Міжнароднага валютнага фонду, купляй Нацыянальным банкам замежнай валюты на таргах Беларускай валютна-фондавай біржы, а таксама паступленнем замежнай валюты ў бюджэт.

У жніўні 2021 года ўрадам выканана знешніх і ўнутраных абавязацельстваў у замежнай валюце на суму каля $ 340 млн.

Паводле асноўных кірункаў грашова-крэдытнай палітыкі на 2021 год аб’ём міжнародных рэзервовых актываў на 1 студзеня 2022 года павінен скласці не менш як $ 6 млрд.

Звязда, 7 верасня 2021