Сітуацыю парталу пракаментаваў Аляксандр Васілевіч, кіраўнік агенцтва VondelHepta:

«Большасць нашых кліентаў прыпынілі рэкламу на тэлебачанні. Але гэта заняло пэўны час, пачынаючы з мінулага тыдню, бо тэлебачанне не здымае рэкламу адразу, гэта займае некалькі дзён, асабліва калі кліент вялікі.

Усе спадзяюцца, што зняцце рэкламы — гэта часовая мера, што тэлебачанне стане лепш, чым было раней. Усё залежыць ад агульнага становішча ў краіне.

Многія пытаюцца: што будзе далей? Але гэтага ніхто не ведае. Гэта могуць быць розныя сцэнарыі, і іх можа быць шмат. Таму пакуль, як я разумею, для многіх кампаній гэта мера часовая».

Звязда, 17 жніўня 2020