У першую чаргу Рафаэль Гросі падзякаваў беларускаму боку за гасціннасць і цёплы прыём: «Для мяне вялікі гонар знаходзіцца ў Беларусі з маімі намеснікамі і сваёй камандай. Мы наведваем вашу краіну і абмяркоўваем шэраг пытанняў».

Кіраўнік МАГАТЭ таксама прыгадаў свой першы візіт у Мінск 12 гадоў таму, калі ў Астраўцы яшчэ не была пабудавана атамная электрастанцыя. «Цяпер з вялікім задавальненнем можна назіраць, што абодва энергаблокі ядзернай электрастанцыі знаходзяцца ў эксплуатацыі», — сказаў ён.

«Для мяне асабліва прыемна, што на самым высокім узроўні — на ўзроўні кіраўніка дзяржавы — выяўляецца прыхільнасць гарантаванню ядзернай бяспекі. Гэта сведчыць аб многім, перш за ўсё аб прафесіяналізме, які мае ваша краіна», — падкрэсліў гендырэктар МАГАТЭ.

Звязда, 1 кастрычніка 2024