Высокі рост даходаў насельніцтва захоўваецца ў Беларусі, канстатавалі спецыялісты Еўразійскага банка развіцця (ЕАБР) у чарговым аглядзе.

Паводле інфармацыі банка, рэальная заработная плата беларусаў павялічылася ў жніўні на 12,3% (у гадавым выражэнні), а ў ліпені – на 15,4%.

"Аплата працы расце высокімі тэмпамі ва ўсіх сектарах, у тым ліку ў бюджэтным, дзе зарплаты ў рэальным выражэнні выраслі на 11,8% у жніўні пасля 12,7% у ліпені", - адзначылі аналітыкі ЕАБР.

Разам з тым, у верасні чакаецца павышэнне базавай стаўкі заработнай платы, а таксама рост выплат настаўнікам. Гэта, на думку, спецыялістаў банка падтрымае рост заробкаў у бюджэтнай сферы і эканоміцы ў цэлым.

"Рост даходаў насельніцтва, разам з павелічэннем спажывецкага крэдытавання, будзе садзейнічаць захаванню высокага спажывецкага попыту ў эканоміцы", - лічаць у ЕАБР.

Па даных Белстата, намінальная налічаная сярэдняя заработная плата ў Беларусі ў жніўні 2024 года склала 2 341,2 руб.

Месяцам раней сярэдні заробак у рэспубліцы быў роўны 2 355,1 руб. Такім чынам, усяго за месяц гэты паказчык зменшыўся на 13,9 руб.

Найбольшая зарплата фіксуецца ў Мінску, у жніўні яна складала 3 064,3 руб, а найніжэйшая ў Магілёўскай вобласці – 1 969,0 руб.

Мінск, 5 кастрычніка 2024
Sputnik