"Прыярытэтам для кіраўнікоў усіх узроўняў павінна быць работа па стварэнні новых рабочых месц", - лічыць Наталля Качанава. Іх стварэнне - аснова асноў сацыяльна-эканамічнага развіцця краіны, падкрэсліла віцэ-прэм`ер.

Наталля Качанава адзначыла, што на 1 верасня ў Беларусі створана больш за 35 тыс. новых рабочых месц (гадавы план - 50 тыс.). У краіне зарэгістравана 42,6 тыс. беспрацоўных, колькасць вакансій, якія прапаноўваюцца, складае 37 тыс.

"Прымаемыя ўрадам меры па садзейнічанні занятасці насельніцтва даюць бачны вынік", - падкрэсліла яна.

Наталля Качанава таксама звярнула ўвагу, што ўстановам сацыяльнай сферы трэба ўдзяляць больш увагі рабоце па прыцягненні пазабюджэтных сродкаў, што дасць магчымасць павысіць зарплаты.

Яна расказала аб рабоце па ўдасканаленні сфер адукацыі і аховы здароўя Беларусі, закранула пытанні культуры і спорту. Пасля сустрэчы з працоўным калектывам Добрушскага фарфоравага завода Наталля Качанава правяла прыём грамадзян па асабістых пытаннях.

Віцэ-прэм`ер таксама азнаёмілася з работай прадпрыемства, была праінфармавана аб сацыяльна-эканамічным развіцці Добрушскага раёна.

19 кастрычніка 2016, Добруш
Юлія Лысенка - БЕЛТА