Паводле яго слоў, асаблівую ўвагу неабходна звярнуць на выпрацоўку стратэгіі дзеянняў у грашова-крэдытнай палітыцы.

"Прадпрыемствам вельмі складана развівацца з такімі высокімі працэнтнымі стаўкамі па банкаўскіх крэдытах. А ўласнага прыбытку ім недастаткова, каб рэалізоўваць буйныя інвестыцыйныя праекты. Таму неабходна знайсці інструменты, якія зрабілі б пазыковыя сродкі для суб`ектаў гаспадарання больш даступнымі", - лічыць гендырэктар.

Удасканалення патрабуе і фінансавая палітыка ў цэлым, лічыць кіраўнік аднаго з буйнейшых прадпрыемстваў Беларусі.

"Напрыклад, трэба навучыцца весці сваю фінансавую палітыку такім чынам, каб супрацоўніцтва з Расіяй як галоўным гандлёвым партнёрам было заўсёды выгадным для нас, каб не было такіх страт, якія панеслі нашы экспарцёры з-за дэвальвацыі расійскага рубля", - сказаў Анатоль Купрыянаў.

Што датычыцца будучага Мазырскага нафтаперапрацоўчага завода, то ў яго нядрэнныя перспектывы, лічыць генеральны дырэктар. Да канца наступнага года тут плануецца завяршыць рэалізацыю буйнейшага ў гісторыі завода інвестыцыйнага праекта - будаўніцтва комплексу па перапрацоўцы цяжкіх астаткаў нафты.

Наяўнасць гэтага комплексу дасць магчымасць выйсці на новы тэхнічны ўзровень, пры якім прадпрыемству ніякія ваганні цэн на нафту будуць не страшны.

На сённяшні дзень ужо вядомы імёны ўсіх трыццаці ўпаўнаважаных ад Мазырскага НПЗ, якія на раённым сходзе выберуць удзельнікаў Усебеларускага народнага сходу.

Узначаліць дэлегацыю прадпрыемства Анатоль Купрыянаў.

12 мая 2016, Гомель
Валерый Сідорчык - БЕЛТА