Міністэрства фінансаў Беларусі і Еўразійскі банк развіцця падпісалі 25 сакавіка ў Маскве пагадненне аб прадастаўленні фінансавага крэдыту са сродкаў Еўразійскага фонду стабілізацыі і развіцця.

Пагадненнем прадугледжана выдзяленне фінансавых рэсурсаў на суму $2 млрд у падтрымку мер эканамічнай палітыкі і структурных пераўтварэнняў урада і Нацыянальнага банка на 2016-2018 гады, адобраных Саветам Еўразійскага фонду стабілізацыі і развіцця 25 сакавіка бягучага года.

Пазыка прадастаўляецца асобнымі траншамі, кожны з якіх тэрмінам 10 гадоў, уключаючы 5-гадовы льготны перыяд. Паступленне ў рэспубліканскі бюджэт сродкаў першага траншу крэдыту ў памеры $500 млн чакаецца ў бліжэйшыя дні.

28 сакавіка 2016, Мінск
БЕЛТА