Першы транш крэдыту Еўразійскага фонду стабілізацыі і развіцця (ЕФСР) $500 млн пералічаны Беларусі.
"Беларусь выканала ўмовы для атрымання першага траншу фінансавага крэдыту Еўразійскага фонду стабілізацыі і развіцця, падпісанага ў Маскве 25 сакавіка. Сродкі ў памеры $500 млн паступілі ў рэспубліканскі бюджэт 30 сакавіка", - сказана ў паведамленні.
Раней прадстаўнікі Еўразійскага банка развіцця (ЕАБР) растлумачылі, што крэдыт будзе прадастаўлены Беларусі сямю траншамі на працягу 2016-2018 гадоў. Астатнія шэсць траншаў будуць прадастаўляцца па меры выканання адпаведных умоў, з іх два траншы - у 2016 годзе, тры - у 2017-м і адзін - у 2018-м. У Еўразійскім банку развіцця адзначалі, што крэдыт падтрымае праграму рэформ урада і Нацыянальнага банка, якая складаецца з двух вялікіх блокаў мер эканамічнай палітыкі - стварэнне макраэканамічных перадумоў эканамічнага росту і правядзенне рыначных рэформ, нацэленых на забеспячэнне яго ўстойлівасці.
Беларусь у першай палавіне 2015 года падала заяўку на новы крэдыт у памеры $3 млрд у Антыкрызісны фонд ЕўрАзЭС (цяпер мае назву Еўразійскі фонд стабілізацыі і развіцця (ЕФСР).
У далейшым першапачаткова агучаная сума крэдыту для Беларусі ў памеры $3 млрд зменшылася ў працэсе перагавораў да $2 млрд. У 2015 годзе Расія выдала Беларусі $110 млн на пагашэнне працэнтаў па расійскім крэдыце, атрыманым у 2010-м.
Акрамя таго, у ліпені таго ж года на рахунак Мінфіна паступілі $760 млн расійскага дзяржкрэдыту для абслугоўвання і пагашэння крэдытаў, выдадзеных раней Беларусі Расіяй і Еўразійскім фондам стабілізацыі і развіцця.
30 сакавіка 2016, Мінск
БЕЛТА
"Беларусь выканала ўмовы для атрымання першага траншу фінансавага крэдыту Еўразійскага фонду стабілізацыі і развіцця, падпісанага ў Маскве 25 сакавіка. Сродкі ў памеры $500 млн паступілі ў рэспубліканскі бюджэт 30 сакавіка", - сказана ў паведамленні.
Раней прадстаўнікі Еўразійскага банка развіцця (ЕАБР) растлумачылі, што крэдыт будзе прадастаўлены Беларусі сямю траншамі на працягу 2016-2018 гадоў. Астатнія шэсць траншаў будуць прадастаўляцца па меры выканання адпаведных умоў, з іх два траншы - у 2016 годзе, тры - у 2017-м і адзін - у 2018-м. У Еўразійскім банку развіцця адзначалі, што крэдыт падтрымае праграму рэформ урада і Нацыянальнага банка, якая складаецца з двух вялікіх блокаў мер эканамічнай палітыкі - стварэнне макраэканамічных перадумоў эканамічнага росту і правядзенне рыначных рэформ, нацэленых на забеспячэнне яго ўстойлівасці.
Беларусь у першай палавіне 2015 года падала заяўку на новы крэдыт у памеры $3 млрд у Антыкрызісны фонд ЕўрАзЭС (цяпер мае назву Еўразійскі фонд стабілізацыі і развіцця (ЕФСР).
У далейшым першапачаткова агучаная сума крэдыту для Беларусі ў памеры $3 млрд зменшылася ў працэсе перагавораў да $2 млрд. У 2015 годзе Расія выдала Беларусі $110 млн на пагашэнне працэнтаў па расійскім крэдыце, атрыманым у 2010-м.
Акрамя таго, у ліпені таго ж года на рахунак Мінфіна паступілі $760 млн расійскага дзяржкрэдыту для абслугоўвання і пагашэння крэдытаў, выдадзеных раней Беларусі Расіяй і Еўразійскім фондам стабілізацыі і развіцця.
30 сакавіка 2016, Мінск
БЕЛТА
