"З улікам вялікай узаемадапаўняльнасці эканомік Беларусі і Кітая патэнцыял нашага двухбаковага супрацоўніцтва далёка не вычарпаны", - падкрэсліў Чэн Гапін. На яго думку, ёсць нямала новых перспектыўных напрамкаў развіцця сувязей паміж дзвюма краінамі.

Адказваючы на пытанне наконт магчымасці пашырэння паставак беларускіх тавараў у Кітай і гарманізацыі гандлёвага сальда, якое цяпер з`яўляецца адмоўным для Беларусі, намеснік міністра сказаў: "Кітайскі бок не прэтэндуе на сальда. І ў гэтым кантэксце адпаведныя міністэрствы і ведамствы павінны пазітыўна разглядаць магчымасці і шляхі далейшай аптымізацыі гандлёвай структуры двухбаковага супрацоўніцтва. Я ўпэўнены, што ў ходзе візіту мы можам чакаць падпісання шэрага важных эканамічных пагадненняў".

5 мая 2015, Пекін
БЕЛТА