Папаўненне золатавалютных рэзерваў павінна ажыццяўляцца не толькі за кошт крэдытаў, а шляхам павелічэння экспарту беларускай прадукцыі і прыцягнення прамых замежных інвестыцый. 

Кіраўнік дзяржавы паставіў задачы падтрымання золатавалютных рэзерваў на бяспечным для краіны ўзроўні і забеспячэння ўстойлівай работы банкаўскага сектара.

"Для гэтага ў банкаўскай сферы павінна быць сумленная і справядлівая канкурэнцыя. І гэта задача Нацыянальнага банка. Як рэгулятар, ён павінен кантраляваць якасць прадастаўляемых банкамі паслуг і кіраваць імі. І трэба памятаць: даходы банкам прыносяць кліенты - насельніцтва і прадпрыемствы. Страціць іх давер ні ў якім разе нельга!" - падкрэсліў Прэзідэнт.

На думку Аляксандра Лукашэнкі, цяпер важна павысіць эфектыўнасць размеркавання фінансавых рэсурсаў у эканоміцы. Прэзідэнт падкрэсліў, што крэдыты банкаў павінны быць накіраваны ў першую чаргу на фінансаванне найбольш акупных праектаў: "Калі бачыце, што бізнес-праект не будзе акупляцца, - ніякіх крэдытаў быць не павінна!"

"Банкі не павінны браць на сябе празмерныя рызыкі. Трэба адыходзіць ад прынцыпу: кожнаму дапаможам. У выніку такіх дзеянняў могуць пацярпець усе. Значыць, трэба ўзмацніць банкаўскі кантроль за праблемнымі актывамі", - падкрэсліў кіраўнік дзяржавы.

16 студзеня 2015, Мінск
Таццяна Паляжай - БЕЛТА