Мясніковіч нагадаў аб плённых перамовах, якія ўжо адбыліся падчас візіту ў Беларусь дэлегацыі Калінінградскай вобласці. Важныя дамоўленасці дасягнутыя на сустрэчы губернатара з Аляксандрам Лукашэнкам, і беларускі ўрад гарантуе, што створыць усе ўмовы для іх рэалізацыі. 

Імпарт прадукцыі з Калінінградскай вобласці ў Беларусь на працягу гэтага года вырас на 66%, канстатаваў прэм`ер-міністр. Мясніковіч адзначыў, што Еўразійская эканамічная камісія не прымае ніякіх мер для стварэння добрасумленнай канкурэнцыі. Кіраўнік урада падкрэсліў, што для беларускай эканомікі, асабліва Мінпрама, важна ўрэгуляваць гэтае пытанне. 

Мясніковіч і Цуканаў сышліся ў меркаванні, што гандлёва-эканамічныя, інвестыцыйныя, культурныя, гуманітарныя кантакты паміж Беларуссю і Калінінградскай вобласцю развіваюцца дастаткова паспяхова, і выказалі гатоўнасць працягваць працу ў гэтым кірунку. 

Пасля перамоў быў падпісаны план мерапрыемстваў на 2015—2017 гады па рэалізацыі пагаднення аб супрацоўніцтве паміж Гомельскім аблвыканкамам і ўрадам Калінінградскай вобласці.

Вячаслаў Будкевіч, БелаПАН
Мінск, 2 снежня 2014