Пра гэта ішла размова 14 жніўня на сустрэчы пасла Беларусі ў Чэхіі Васіля Марковіча з намеснікам міністра фінансаў Чэхіі Евай Андаравай, паведамляе прэс-служба беларускага МЗС.
Чэхія зацікаўлена ў рэалізацыі сумесных інвестыцыйных праектаў у сферы мадэрнізацыі прадпрыемстваў машынабудавання, сельскагаспадарчым і фармацэўтычным сектарах, а таксама ў будаўніцтве і рэканструкцыі аб`ектаў энергетычнай інфраструктуры ў Беларусі.
На сустрэчы прысутнічалі саветнік беларускага пасольства Уладзімір Мірановіч і спецыяліст па працы з міжнароднымі фінансавымі інстытутамі Міністэрства фінансаў Чэхіі Паўла Кноткава.
Бакі абмяняліся меркаваннямі аб наяўным стане і перспектывах развіцця эканамічнага супрацоўніцтва паміж дзвюма краінамі.
Андарава прапанавала беларускаму боку вывучыць магчымасць рэалізацыі сумесных праектаў у рамках праграм міжнародных фінансавых арганізацый і донарскай дапамогі ў краінах Афрыкі, паведамляе прэс-служба.
Асаблівую ўвагу суразмоўцы надалі дзейнасці чэшскай дзяржаўнай страхавой кампаніі "Экспартнае гарантыйнае страхавое таварыства".
Захар Шчарбакоў,
БелаПАНМінск, 15 жніўня 2013
