Аб гэтым ішла размова на сустрэчы Надзвычайнага і Паўнамоцнага Пасла Рэспублікі Беларусь у Латвійскай Рэспубліцы Аляксандра Герасіменкі з міністрам транспарту Латвіі Айвісам Ронісам, паведамілі ў прэс-службе беларускага Міністэрства замежных спраў.

У час размовы было падкрэслена, што Латвія таксама гатова ствараць беларускім партнёрам спрыяльныя ўмовы для работы ў латвійскіх партах і прадаставіць канкрэтныя варыянты для набыцця або арэнды інфраструктурных партовых аб`ектаў.

На сустрэчы разглядаліся пытанні супрацоўніцтва ў сферы транспарту і лагістыкі, пашырэння транзіту беларускіх грузаў праз латвійскія парты. "Бакі выказалі задаволенасць станоўчай дынамікай росту паказчыкаў у сферы гандлю і транспартных паслуг, адзначылі ўзаемавыгаднасць далейшага развіцця прыгранічнай і чыгуначнай інфраструктуры на беларуска-латвійскім напрамку", - падкрэслілі ў прэс-службе знешнепалітычнага ведамства.

9 лістапада 2012, Мінск
БЕЛТА