Кіраўнік КДБ растлумачыў, што на Захадзе спрабуюць разваліць эканоміку Беларусі і выбіць з сусветнага эканамічнага рынку нашы прадпрыемствы, каб пазбавіцца ад канкурэнтаў. "Рэспубліка Беларусь - гэта каштоўны рэсурс, тут ёсць што дзяліць, ёсць прадпрыемствы, такія, як "Нафтан" і "Палімір". Геастратэгічнае наша становішча ў цэнтры Еўропы і спробы змяніць нашы саюзніцкія адносіны з Расіяй - гэта таксама асноўная прычына цяперашніх падзей у рэгіёне, у тым ліку ў адносінах да Рэспублікі Беларусь. Дзякуючы палітыцы нашага кіраўніка дзяржавы мы захоўваем мір, незалежнасць. Мы бачым, што ў некаторых суседніх краінах гэта не атрымліваецца, а гэта каштуе вельмі і вельмі дорага", - падкрэсліў Іван Тэртэль.

Ён расказаў, што ў 2020 годзе на нафтаперапрацоўчым прадпрыемстве былі людзі, якія даведваліся, як "Нафтан" ва ўмовах санкцыйнага націску закупляе сыравіну і збывае прадукцыю, а потым "злівалі" інфармацыю зацікаўленым службам замежных краін. Кіраўнік КДБ заклікаў калектыў флагмана нафтаперапрацоўчай прамысловасці Беларусі не дапускаць стварэння дэструктыўных ячэек на прадпрыемстве, асабліва з улікам таго, што спробы дэстабілізаваць і дэзарганізаваць рабочы працэс будуць паўтарацца.

Ён таксама звярнуў увагу, як важна ўберагчы моладзь ад уцягвання яе ў інфармацыйную вайну, навучыць яе крытычна ставіцца да выпадаў у сацсетках і мэсэнджарах.

2 лістапада 2022, Наваполацк
Алеся Пушнякова - БЕЛТА