Запазычанасць ААТ "ААБ Беларусбанк" перад замежнымі банкамі і фінансавымі кампаніямі па "звязаных" замежных крэдытных рэсурсах у студзені—лістападзе 2011 года павялічылася на 160 млн. долараў і на 1 снежня склала 570 млн. долараў ЗША.
Паводле інфармацыі прэс-службы "Беларусбанка", крэдытны партфель кліентаў банка на 1 снежня склаў 58 трлн. рублёў, у тым ліку крэдытны партфель юрыдычных асоб — 36 трлн. рублёў, крэдытны партфель фізічных асоб — 22 трлн. рублёў.
Запазычанасць фізічных асоб па льготных крэдытах у адпаведнасці з указамі прэзідэнта (№ 185, 75, 368) склала амаль 19 трлн. рублёў.
Нарматыўны капітал банка, паводле папярэдніх звестак, на 1 снежня склаў 5,35 трлн. рублёў. Статутны фонд складае 3.288 млрд. рублёў, ці 287 млн. еўра.
Рэсурсная база банка за студзень—лістапад 2011 года павялічылася на 83%, ці на 43 трлн. рублёў, і склала 95 трлн. рублёў.
Аб`ём сродкаў юрыдычных асоб павялічыўся ў 2,6 разу, ці на 24 трлн. рублёў, і склаў амаль 39 трлн. рублёў.
Аб`ём рэсурсаў, прыцягнутых шляхам размяшчэння аблігацый сярод юрыдычных асоб, на 1 снежня склаў 2,1 трлн. рублёў, у тым ліку 720 млрд. рублёў, 162 млн. долараў ЗША.
Сродкі фізічных асоб (з улікам налічаных працэнтаў) на пачатак снежня склалі амаль 23 трлн. рублёў, у тым ліку 8 трлн. рублёў у беларускіх рублях, у замежнай валюце — 1 млрд. 692 млн. долараў ЗША ў эквіваленце.
Па стане на 1 снежня 2011 года праз аблігацыі для фізічных асоб прыцягнута 752 млрд. рублёў, у тым ліку 51 млрд. рублёў, 54 млн. долараў ЗША і 20 млн. еўра.
Аляксей Арэшка,
БелаПАНМінск, 13 снежня 2011
