Цяпер праўда як ніколі важная, каб цвяроза ацэньваць сітуацыю ў краіне і свеце. Такое меркаванне выказала журналістам табельшчык ААТ «Беларуськалій», член Моладзевага парламента пры Нацыянальным сходзе Беларусі Кацярына Баравік. Сёння яна прыняла ўдзел у інфармаванні па пытаннях ваенна-палітычнага становішча ў краіне і за мяжой на базе іх прадпрыемства.

Кіраўніцтва сілавога блока па даручэнні Кіраўніка дзяржавы сустракаецца з працоўнымі калектывамі па ўсёй краіне. «У цяперашні час вельмі важныя такія сустрэчы з прадстаўнікамі ўлады. Бо цяпер у інтэрнэт-прасторы шмат фэйкаў па ваенна-палітычным становішчы. І важна, каб кампетэнтныя людзі патлумачылі ўсю сутнасць таго, што адбываецца, — сказала Кацярына Баравік. — Цяпер праўда як ніколі важная, каб цвяроза ацэньваць сітуацыю ў краіне і свеце».

 «Панікі ў грамадстве не павінна быць адназначна. Кожны павінен займацца сваімі паўсядзённымі справамі і думаць сваёй галавой у першую чаргу, а не паддавацца ўплыву фэйкавых паведамленняў, — падкрэсліла яна. — Калі прыязджаюць такія прадстаўнікі дзяржаўнай улады, добра, што яны выбудоўваюць даверныя адносіны з працоўнымі калектывамі. І кожны прадстаўнік гэтага калектыву можа задаць хвалюючае яго пытанне і атрымаць разгорнуты, кампетэнтны адказ».

Звязда, 13 кастрычніка 2022