Завершана ацэнка буйной партыі трыкатажу, затрыманай супрацоўнікамі пагранічнай службы і мытні 5 жніўня ў пункце пропуску "Катлоўка". Яе кошт склаў больш за 5 мільярдаў рублёў, паведаміла прэс-служба Дзяржпагранкамітэта Беларусі.
Незадэклараваны тавар знаходзіўся ў прычэпе грузавога аўтамабіля Volvo, які ўязджаў з Літвы ў Беларусь. У дакументах значылася, што вадзіцель — грамадзянін Рэспублікі Польшча — перавозіць партыю грыбоў. Аднак пры праверцы іншамаркі высветлілася, што грыбы ў фуры знаходзіліся толькі для маскіроўкі трыкатажу.
Кантрабанда канфіскаваная.
Марына Носава,
БелаПАНМінск, 23 жніўня 2011
