Нацыянальная авіякампанія "Белавія" і найбуйнейшы фінскі авіяперавозчык Finnair падпісалі пагадненне аб сумеснай эксплуатацыі авіялініі ("код-шэрынг") Мінск — Хельсінкі.
18 ліпеня пачнецца выкананне сумесных авіярэйсаў паміж сталіцамі Беларусі і Фінляндыі, паведамляе прэс-служба беларускай авіялініі.
Да гэтага моманту "Белавія" эксплуатавала авіялінію самастойна. Рэгулярныя зносіны паміж Мінскам і Хельсінкі беларускі авіяперавозчык адкрыў 1 чэрвеня 2011 года.
На новай паветранай лініі эксплуатуюцца пераважна сучасныя рэактыўныя самалёты CRJ-100/200, якія дазваляюць перавозіць да 50 пасажыраў з абслугоўваннем па бізнес- і эканамкласах. Рэйсы паміж Беларуссю і Фінляндыяй выконваюцца тройчы на тыдзень: па панядзелках, серадах і нядзелях.
Як зазначаюць у "Белавія", аб`яднанне магчымасцяў дзвюх кампаній стварае дадатковыя ўмовы пасажырам абодвух авіяперавозчыкаў "падарожнічаць па прыцягальных цэнах транзітам праз Хельсінкі ў аэрапорты Скандынавіі, Паўднёва-Усходняй Азіі, Паўночнай Амерыкі, а праз Мінск — у пункты СНД, Каўказа, Блізкага Усходу".
Аляксей Арэшка,
БелаПАНМінск, 12 ліпеня 2011
