Беларуская эканоміка цяпер адчувае сябе здаровай, працягваецца яе якасны рост, заявіў у суботу ў эфіры тэлеканала "Беларусь 1" кіраўнік беларускага ўрада Раман Галоўчанка.
У той жа час прэм`ер спрагназаваў, што ВУП за апошнія месяцы можа трохі знізіцца за кошт невялікага падзення ў сельскай гаспадарцы. У параўнанні з папярэднімі гадамі сёлета ў краіне ўраджайнасць была не настолькі высокай, дадаў Галоўчанка.
Прэм`ер-міністр краіны таксама паведаміў аб рэкордным знешнегандлёвым сальда і скарачэнні запасаў гатовай прадукцыі на складах.
Рэкорднае станоўчае знешнегандлёвае сальда ў $1,2 млрд, на якое мяркуецца выйсці па выніках года, кажа пра тое, што "плацёжны баланс краіны будзе знаходзіцца ў аптымальным стане", сказаў прэм`ер.
Што датычыцца складскіх запасаў, то яны дасягнулі лепшага за ўсе гады ўзроўню па адносінах да сярэднямесячнага аб`ёму вытворчасці.
"Гэтыя два фактары ў сукупнасці кажуць пра тое, што краіна паспяхова гандлюе прадукцыяй, атрымлівае валюту і паляпшае паказчыкі свайго плацёжнага балансу", - дадаў Галоўчанка.
На 2022 год, па словах прэм`ера, эканамічны прагноз таксама аптымістычны.
