На сённяшняй сустрэчы з генеральным дырэктарам МТЗ актывісты абвясцілі аб пачатку забастоўкі з 8:00 17 жніўня і заявілі пра свае патрабаванні. Як паведамляюць на прадпрыемстве, юрыдычнай службе даручана аформіць узгодненую пазіцыю.

У 8.40 на прахадной МТЗ сабраліся таксама работнікі Мінскага электратэхнічнага завода імя Казлова з прапановай накіравацца да Мінскага заводу колавых цягачоў, дзе сёння выступаў Прэзідэнт Беларусі Аляксандр Лукашэнка. Частка калектыву трактарабудаўнікоў падтрымала калегаў. Пры гэтым на тэрыторыі МТЗ былі арганізаваны трансляцыі з МЗКЦ.

Кіраўніцтва МТЗ, як запэўнілі ў яго прэс-службе, не стане чыніць перашкод работнікам, якія выказваюць сваю грамадзянскую пазіцыю. Пры гэтым кіраўнік завода заклікаў «не навязваць меркаванні і даць спакойна выйсці на працоўныя месцы тым, хто прыняў такое рашэнне».

Паводле інфармацыі прэс-службы, корпус зборкі трактароў працуе, адгрузка гатовай прадукцыі ідзе ў звычайным рэжыме.

Звязда, 17 жніўня 2020