У Беларусі з 1 мая падвысяць бюджэт пражытковага мінімуму. Гэты паказчык павялічыцца да 246,78 рубля. Прыбаўка складзе 6,91 рубля. 

БПМ у сярэднім на душу насельніцтва ў апошні раз пераглядалі з 1 лютага, гэты паказчык вырас на 8,04 рубля - да 239,87 рубля.

Прапарцыйна росту БПМ з 1 мая зменяцца і памеры мінімальных працоўных пенсій, сацыяльных пенсій, даплат пенсіянерам ва ўзросце 75 гадоў і старэйшым, якія атрымліваюць пенсіі ў органах па працы, занятасці і сацабароне, а таксама надбавак да пенсій і павышэнняў пенсій асобным катэгорыям пенсіянераў, дапамог па догляду інваліда I групы або за асобай, якая дасягнула 80-гадовага ўзросту, дзяржаўных дапамог сем`ям, якія выхоўваюць дзяцей.

Звязда, 25 красавіка 2020