Бакі таксама заключылі міжурадавыя пагадненні аб міжрэгіянальным супрацоўніцтве, аб узаемным заахвочванні і абароне інвестыцый, аб узаемным прызнанні дакументаў аб адукацыі і навучанні. У ліку дакументаў, падпісаных у Мінску, пагадненні аб супрацоўніцтве паміж профільнымі міністэрствамі і ведамствамі абедзвюх краін.

Беларусь і Узбекістан дамовіліся супрацоўнічаць у галіне аховы навакольнага асяроддзя, у галіне сродкаў масавай інфармацыі, выдавецкай, паліграфічнай дзейнасці, у сферы навукі і тэхналогій, інфармацыйна-камунікацыйных тэхналогій.

Міністэрствы абароны падпісалі пагадненне аб узаемнай перадачы сакрэтнай інфармацыі пры ажыццяўленні двухбаковага супрацоўніцтва, дзяржаўныя мытныя камітэты - пратакол аб узаемадзеянні ў сферы барацьбы з мытнымі правапарушэннямі.

Стварэнне сумеснага Дзелавога савета прадугледжана пагадненнем паміж гандлёва-прамысловымі палатамі Беларусі і Узбекістана.

1 жніўня 2019, Мінск
Кацярына Крышэнік - БЕЛТА