Турчын падкрэсліў, што "ўрад Беларусі з`яўляецца перакананым прыхільнікам развіцця прыватнага бізнесу". Паводле яго слоў, за апошнія два гады зробленыя сур`ёзныя захады ў плане развіцця прыватнай ініцыятывы, і ўрад разлічвае на далейшую кансультацыйную дапамогу АЭСР.
На сустрэчы з прадстаўніком АЭСР закраналася тэма доступу да фінансавых рэсурсаў і іх кошту. Турчын адзначыў, што "ў Беларусі з гэтым няма праблем", аднак кошт крэдытных рэсурсаў у параўнанні з іншымі краінамі Усходняй Еўропы, краінамі Балтыі адрозніваецца. "Аднясенне краіны да шостай групы крэдытнай рызыкі (у рэйтынгу АЭСР паводле класіфікацыі крэдытнай рызыкі) не з`яўляецца мерай стымулявання", — лічыць першы віцэ-прэм`ер.
Ён адзначыў, што Беларусь зацікаўленая ў нарошчванні экспарту суб`ектамі малога і сярэдняга бізнесу, асабліва ў Еўропу. У гэтым плане таксама ёсць зацікаўленасць у кансультаванні і іншай дапамозе з боку АЭСР, у тым ліку для сертыфікацыі прадукцыі.
Падчас візіту ў Беларусь дэлегацыя АЭСР сустрэнецца з прадстаўнікамі Нацыянальнага агенцтва інвестыцый і прыватызацыі.
"Мы зараз працуем над зменай фармату гэтай арганізацыі, каб яна адыгрывала больш актыўную ролю ў прыцягненні інвестыцый у нашу краіну. Таму таксама былі б удзячныя за вашу дапамогу — што мы маглі б узяць з найлепшых практык такіх агенцтваў у свеце", — дадаў Турчын.
"Мы зараз працуем над зменай фармату гэтай арганізацыі, каб яна адыгрывала больш актыўную ролю ў прыцягненні інвестыцый у нашу краіну. Таму таксама былі б удзячныя за вашу дапамогу — што мы маглі б узяць з найлепшых практык такіх агенцтваў у свеце", — дадаў Турчын.
Уільям Томпсан пагадзіўся, што стымуляванне экспарту з`яўляецца важнай тэмай для наступных этапаў працы Беларусі з АЭСР. Арганізацыя мае досвед такога ўзаемадзеяння, прыкладам можа быць падтрымка, аказаная Узбекістану.
Кіраўнік аддзела АЭСР па працы з краінамі Еўразіі выказаў гатоўнасць абмеркаваць, што магло б дапамагчы прасунуцца Беларусі ў рэйтынгу па класіфікацыі крэдытнай рызыкі.
Ён заўважыў, што павышэнне пазіцыі ў рэйтынгу дасць магчымасць знізіць кошт крэдытных рэсурсаў для беларускіх прадпрыемстваў. Пазіцыя Беларусі апошнім разам была палепшаная ў пачатку 2018 года — краіна была пераведзеная з сёмай у шостую групу. Тады пазіцыя Беларусі ў класіфікацыі палепшылася ўпершыню з 1999 года.
____________________________________
АЭСР — міжнародная арганізацыя эканамічна развітых краін, якія прызнаюць прынцыпы прадстаўнічай дэмакратыі і свабоднай рынкавай эканомікі. Арганізацыя з`яўляецца форумам, на якім урады краін-членаў маюць магчымасць абмяркоўваць, распрацоўваць і каардынаваць эканамічную і сацыяльную палітыку. АЭСР заснаваная ў 1948 годзе, у яе ўваходзяць 35 дзяржаў.
Марына Носава, БелаПАН
Мінск, 2 красавіка 2019
Мінск, 2 красавіка 2019
