Меры па процідзеянні вываду капіталу з Беларусі павінны ўключацца маланкава, заявіў кіраўнік беларускай дзяржавы Аляксандр Лукашэнка на нарадзе з кіраўніцтвам Саўміна.
Паводле слоў Прэзідэнта, Беларусь прапануе замежным інвестарам адны з лепшых умоў, у іх ліку прэферэнцыі, ільготы, інфраструктура і шмат іншага.
"Прыходзь і працуй. Але не дзеля нажывы за кошт нашага народа. А калі нехта паспрабуе, ёсць механізмы супрацьдзеяння і ўразумення", - падкрэсліў Лукашэнка, яго словы прыводзіць прэс-служба кіраўніка дзяржавы.
Паводле інфармацыі Дзяржкантролю, ажыццяўляецца адток сродкаў у недружалюбныя краіны, а таксама "мэтанакіраваную вывад прыбытку за межы Беларусі". У сувязі з гэтым кіраўнік дзяржавы хоча пачуць ад кіраўніцтва Саўміна, чаму ўзнікаюць такія прэцэдэнты.
"На практыцы загараджальныя меры павінны ўключацца маланкава і без усялякага разварушвання", - лічыць ён.
Лукашэнка таксама пацікавіўся ў губернатараў, як у абласцях арганізавана гэтая праца, бо рэгіёны найперш зацікаўлены ў інвестыцыях і бездэфіцытным бюджэце.
Ахоўныя меры
Раней беларускі ўрадвызначыла парадак выдачы дазволаў на продаж бізнэсу замежнікамі і іншыя падобныя дзеянні.
Цяпер замежнікі будуць атрымліваць дазвол не толькі на продаж акцый ці дзеляў у кампаніях. Дазвол трэба таксама на продаж маёмасці (долі ў ёй) і на рэарганізацыю юрыдычнай асобы, у якой сярод уласнікаў ёсць замежныя грамадзяне. Для гэтага ім трэба будзе звярнуцца ў мясцовыя органы ўлады па месцы рэгістрацыі юрасобы. Орган улады ў сваю чаргу не толькі вырашыць, ці магчымы продаж бізнэсу, але і вызначыць, які ўнёсак за гэта трэба зрабіць у дзяржбюджэт.
