https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


У Беларусі ўводзіцца забарона на вываз грэчкі, цыбулі і часнаку


Аб гэтым паведамляе Нацыянальны прававы інтэрнэт-партал.
У Беларусі ўводзіцца часовая забарона на вываз асобных відаў тавараў за межы краіны. Гэта прадугледжана пастановай Савета Міністраў ад 31 сакавіка 2020 года нумар 185.

У пераліку тавараў, адносна якіх уводзіцца часовая забарона, грэчка, грэцкія крупы, цыбуля-сеянка, цыбуля рэпчатая і часнок. Гэтыя тавары забаронена вывозіць незалежна ад краіны іх паходжання, у тым ліку пры змяшчэнні пад мытныя працэдуры экспарту, часовага вывазу, перапрацоўкі па-за мытнай тэрыторыяй і рээкспарту.

Гэта забарона распаўсюджваецца таксама на тавары, якія змешчаны пад мытныя працэдуры да ўступлення ў сілу названай пастановы і фактычны вываз якіх з тэрыторыі Беларусі ў адпаведнасці з гэтымі мытнымі працэдурамі ажыццяўляецца пасля ўступлення яе ў сілу.

Міністэрству замежных спраў даручана праінфармаваць Еўразійскую эканамічную камісію аб прынятай забароне, а таксама ўнесці на яе разгляд прапанову аб прымяненні іншымі дзяржавамі ЕАЭС аналагічных мер.

Асноўныя палажэнні пастановы ўступаюць у сілу пасля яе афіцыйнага апублікавання і дзейнічаюць на працягу трох месяцаў.

1 красавіка 2020, Мінск
БЕЛТА
 
Дата публикации:01.04.2020
Тематика:Товары из Беларуси, Экономика
Просмотров:225
 
Ключевые слова:
Продовольственная безопасность Гречка Чеснок Лук
 
 


Комментарии



 



Другие новости по этой теме