https://www.kurs.kz/ - Курсы валют в обменных пунктах г. Алматы и других городах Казахстана
 


 


Найти
 
 


Дарожную карту па развіцці супрацоўніцтва падпісалі Гродзенская і Кастанайская вобласці


30 верасня ў анлайн-фармаце прайшла цырымонія падпісання дарожнай карты развіцця супрацоўніцтва паміж Гродзенскай вобласцю і Кастанайскай вобласцю Казахстана.
Падпісанне дарожнай карты стала адным з этапаў развіцця супрацоўніцтва паміж рэгіёнамі. Дакумент прадугледжвае супрацоўніцтва ў інвестыцыйнай і гандлёва-эканамічнай сферы, а таксама ў сельскай гаспадарцы, турызме, культуры, ахове здароўя, адукацыі і іншых напрамках.

«У першую чаргу плануецца работа з рэальным сектарам эканомікі, у тым ліку з нашымі машынабудаўнічымі арганізацыямі, а таксама перапрацоўчымі прадпрыемствамі для павелічэння паставак іх прадукцыі ў Казахстан», — адзначыў намеснік старшыні Гродзенскага аблвыканкама Віталь Нявера. Ён падкрэсліў, што ўжо ў бліжэйшы час плануецца візіт прадстаўнікоў Кастанайскай вобласці ў Ліду для абмеркавання магчымых варыянтаў супрацоўніцтва. У прыватнасці, ёсць інтарэс да паставак у Казахстан беларускай тэхнікі і магчымай арганізацыі там зборачнай вытворчасці.

«Гродзенская вобласць ажыццяўляе знешнегандлёвую дзейнасць са 120 краінамі свету. Пры гэтым Казахстан уваходзіць у пяцёрку буйнейшых партнёраў рэгіёна. За апошнія пяць гадоў знешнегандлёвы абарот вобласці з Казахстанам павялічыўся ў 1,5 раза», — расказаў Віталь Нявера.

Цяпер Гродзенская вобласць пастаўляе сваю прадукцыю ў 13 рэгіёнаў Казахстана. Сярод асноўных таварных пазіцый — мяса-малочная прадукцыя, прадукцыя сфер дрэваапрацоўкі і машынабудавання. За першыя паўгода 2021 года экспарт рэгіёна ў Кастанайскую вобласць склаў $3,1 млн.

Звязда, 30 верасня 2021
 
Дата публикации:30.09.2021
Тематика:Товары из Беларуси, Экономика
Просмотров:116
 
Ключевые слова:
Беларусь-Казахстан Товарооборот Кустанай
 
 


Комментарии



 



Другие новости по этой теме