https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Гендырэктар БЕЛАЗа расказаў аб узроўні лакалізацыі тэхнікі


Генеральны дырэктар ААТ "БЕЛАЗ" - кіруючая кампанія холдынга "БЕЛАЗ-Холдынг" Сяргей Лесін расказаў аб узроўні лакалізацыі тэхнікі ў праграме "Эканамічнае асяроддзе" на тэлеканале "Беларусь 1".
"Мадэльны рад у нас вельмі шырокі, таму гаварыць аб лічбах у сярэднім па лакалізацыі будзе няправільна. Скажу так, у нас узровень лакалізацыі па айчынных вузлах, камплектуючых знаходзіцца ў межах ад 60 да 75 працэнтаў: 75 працэнтаў - гэта машыны з гідрамеханічнымі трансмісіямі, 60 працэнтаў - з электрамеханічнымі трансмісіямі. Каля 40-60 працэнтаў кампанентаў вырабляюцца непасрэдна на вытворчых пляцоўках, 20 працэнтаў - гэта тое, што мы набываем па кааперацыі ў беларускіх прадпрыемстваў", - сказаў Сяргей Лесін.

Паводле яго слоў, на лакалізацыю трэба глядзець не толькі як на эканамічны складнік, але і як на складнік тэхналагічнага суверэнітэту і бяспекі.

"У гэтым ключы мы павінны разглядаць прадпрыемствы Саюзнай дзяржавы як адзіны контур. І калі мы глядзім на ўзровень лакалізацыі з улікам Саюзнай дзяржавы, то тут карціна даволі аптымістычная, - адзначыў гендырэктар. - Напрыклад, па асобных машынах (пакуль мы гаворым пра клас 30-45 т) узровень лакалізацыі перавышае 95 адсоткаў. Калі мы гаворым пра асобныя доследныя ўзоры кар`ерных самазвалаў грузападымальнасцю, напрыклад, 240 т, там такая ж карціна. Пакуль гэта не серыя, а адпрацоўка ў эксплуатацыі надзейнасці вузлоў. Калі мы гаворым пра серыйную прадукцыю, масавую, то ўзровень лакалізацыі там з улікам расійскага складніка - 75 адсоткаў".

ААТ "БЕЛАЗ" - кіруючая кампанія холдынга "БЕЛАЗ-Холдынг" - адзін з буйнейшых сусветных вытворцаў кар`ерных самазвалаў і транспартнага абсталявання для горназдабыўной і будаўнічай прамысловасці.

18 красавіка 2024, Мінск
БЕЛТА
 
Дата публикации:18.04.2024
Тематика:Товары из Беларуси, Экономика
Просмотров:143
 
Ключевые слова:
Кооперация Импортозамещение БелАЗ Карьерный самосвал Локализация
 
 


Комментарии



 



Другие новости по этой теме