Па словах прадстаўніка канцэрна, літаральна за адзін тыдзень Беларусі ўдалося нарасціць вытворчасць ад 1 мільёна да двух мільёнаў масак у суткі:

- На піку эпідэміялагічнай сітуацыі вырабляліся 2,3 мільёна масак у суткі. Цяпер падтрымліваюцца такія ж тэмпы вытворчасці. Акрамя гэтага, прадпрыемствы канцэрна шыюць парадку 250 тысяч ахоўных касцюмаў у суткі. У гэтым удзельнічаюць усе прадпрыемствы канцэрна усіх формаў уласнасці.

Вадзім Ламкоў падкрэсліў: запатрабаванні па закупках канцэрн цалкам задавальняе. Пры гэтым гатовы вырабляць больш, калі спатрэбіцца:

- На дадзены момант толькі ў незавершаным этапе работы знаходзяцца каля 10 мільёнаў масак і парадку 3 мільёнаў на складах. Акрамя гэтага, выконваючы ўказанні Кіраўніка дзяржавы, мы шукаем добрыя варыянты экспарту.

Звязда, 3 траўня 2020