Аляксандр Лукашэнка нагадаў, што абутковыя прадпрыемствы следам за гарбарнымі таксама мадэрнізуюцца. У выніку будуць створаны сучасныя прадпрыемствы па выпуску гатовых вырабаў.

"Мы не павінны загубіць сваю вытворчасць, - падкрэсліў Прэзідэнт. - Кітай - гэта добра, але нам трэба вырабляць сваё, тым больш мы ўмеем гэта рабіць".

"Мы павінны ўзняць сваю вытворчасць, адзець, абуць у сваё, сучаснае, каб людзі маглі ганарыцца беларускім абуткам", - сказаў кіраўнік дзяржавы.

Аляксандр Лукашэнка адзначыў, што ў кастрычніку ў Віцебску будзе праведзена нарада, на якой будзе разгледжаны стан спраў у абутковай галіне, як ажыццяўляюцца праекты пашырэння аб`ёмаў вытворчасці і мадэрнізацыі.

9 верасня 2014, Мінск
Таццяна Паляжай - БЕЛТА