https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Кіраўнік дзяржавы Аляксандр Лукашэнка разлічвае на падтрымку Казахстана, які старшынствуе ў ШАС, каб Беларусь ужо летам стала членам гэтай міжнароднай арганізацыі


Аб гэтым Прэзідэнт Беларусі заявіў на сустрэчы з паслом Казахстана ў Беларусі Ерланам Байжанавым.
Кіраўнік дзяржавы адзначыў, што цяпер Казахстан старшынствуе ў Арганізацыі Дагавора аб калектыўнай бяспецы (АДКБ), а таксама Шанхайскай арганізацыі супрацоўніцтва (ШАС). "Мы ведаем, што ў лютым вы ратыфікавалі ўсе дакументы аб членстве Беларусі ў ШАС. Мы вам вельмі ўдзячны за гэта", - сказаў Прэзідэнт Беларусі.

Ён адзначыў, што прыкладна ў ліпені бягучага года ў Астане плануецца правесці чарговы саміт ШАС. "Было б вельмі сімвалічна, і мы гэта віталі б, калі б Беларусь менавіта ў Астане стала паўнацэнным членам ШАС. Мы вас будзем аб гэтым прасіць. Ад старшынствуючага боку, зразумела, многае залежыць. І Міністэрству замежных спраў нашаму трэба больш актыўна папрацаваць у гэтым плане", - заявіў беларускі лідар.

Раней у інтэрв`ю БЕЛТА намеснік генеральнага сакратара ШАС Нурлан Ермекбаеў заявіў аб наяўнасці ўсіх падстаў, каб Беларусь у бліжэйшы час стала паўнапраўным членам Шанхайскай арганізацыі супрацоўніцтва. "Мы ўсе спадзяёмся, і для гэтага ёсць усе падставы, што ў бліжэйшы час Рэспубліка Беларусь стане паўнапраўнай дзяржавай - членам Шанхайскай арганізацыі супрацоўніцтва. Хоць Беларусь не навічок у ШАС, яна ўжо доўгі час з`яўляецца дзяржавай-наглядальнікам, і за гэты час праявіла сябе, напэўна, не менш актыўна, чым дзяржавы - члены арганізацыі, уносячы розныя добрыя прапановы, ініцыятывы. Таму ўсе дзяржавы - члены ШАС аднагалосна падтрымалі жаданне Рэспублікі Беларусь выступіць у якасці паўнапраўнага члена", - падкрэсліў Нурлан Ермекбаеў.

Адказваючы на ўдакладняючае пытанне, ці варта чакаць афіцыйнага ўступлення Беларусі ўжо на маючым адбыцца летам 2024 года саміце ШАС у Астане, Нурлан Ермекбаеў адказаў сцвярджальна: "На пасяджэнні Савета кіраўнікоў дзяржаў, якое адбудзецца ў Казахстане (дакладныя даты будуць вядомы пазней, звычайна гэта адбываецца летам у чэрвені-ліпені), спадзяёмся, будзе прынята рашэнне, што Беларусь стала паўнапраўным членам ШАC".

4 сакавіка 2024, Мінск
БЕЛТА
 
Дата публикации:04.03.2024
Тематика:ЕАЭС, Экономика
Просмотров:151
 
Ключевые слова:
Казахстан ШОС Сотрудничество
 
 


Комментарии



 



Другие новости по этой теме