18 чэрвеня ў час Пецярбургскага міжнароднага эканамічнага форуму Еўразійская эканамічная камісія і Міністэрства гандлю і прамысловасці Індыі падпісалі дакумент аб пачатку даследчых работ аб мэтазгоднасці стварэння такой зоны.

Паводле слоў члена Калегіі (міністра) па гандлі ЕЭК Андрэя Сляпнёва, даследчая група будзе сабрана ўжо ў ліпені і завершыць работу на працягу даволі кароткага перыяду.

"Разлічваем, што калі правядзём даследаванне, як плануем, то ў наступным годзе выйдзем на рашэнне прэзідэнтаў аб пачатку саміх перагавораў па пагадненні аб зоне свабоднага гандлю", - сказаў Андрэй Сляпнёў. Паводле яго слоў, група прааналізуе дынаміку гандлю, інвестыцый і ў цэлым "сучляненне гандлёвых палітык і інтэграцыйных парадкаў дня".

Цяпер аналагічныя рабочыя групы дзейнічаюць з Егіптам і Ізраілем.

ЕАЭС у маі падпісаў пагадненне аб зоне свабоднага гандлю з В`етнамам, якое стала першым пагадненнем аб аблягчэнні гандлёвага рэжыму пасля стварэння саюза 1 студзеня 2015 года.

18 чэрвеня 2015, Масква
Эдуард Півавар - БЕЛТА