Супрацоўнікі МНС чатырох краін знялі сумесны патрыятычны ролік, у якім распавядаецца пра гераізм савецкага народа ў гады Вялікай Айчыннай вайны — самаадданасці салдат і грамадзянскага насельніцтва. Акрамя таго, у відэа гаворыцца пра неабходнасць памятаць урокі гісторыі, захоўваць і культываваць традыцыі дружбы і ўзаемадапамогі.

Відэашэраг змантаваны з успамінаў ратавальнікаў, цяперашніх работнікаў структуры МНС, якія распавядаюць пра сваіх гераічных сваякоў — тых, хто ў гады вайны зрабіў усё, каб падарыць нам свабоду і спакой, а таксама магчымасць стваральна працаваць і выхоўваць дзяцей пад мірным небам.

Звязда, 9 траўня 2023