Курс валютпокупкапродажа
USD371.39373.09
EUR420.71423.76
RUR5.565.62
www.kurs.kz
 


 



Найти
 
 


Брэсцкае "Дынама" ўпершыню выйграла Суперкубак Беларусі


Барысаўскія футбалісты ў другі раз у гісторыі не змаглі заваяваць прэстыжны трафей.
Футбольны клуб "Дынама-Брэст" упершыню выйграў Суперкубак Беларусі па футболе.

У суботу 10 сакавіка на стадыёне клуба "Мінск" паядынкам за Суперкубак стартаваў новы футбольны сезон 2018. У паядынку за прэстыжны трафей сышліся дзеючы чэмпіён краіны БАТЭ і ўладальнік Кубка Беларусі брэсцкае "Дынама".

Сустрэча завяршылася з лікам 2:1 на карысць футбалістаў з горада над Бугам. У складзе пераможцаў адзначыліся Сандра Готал (14-я хвіліна, пенальці) і Максім Вітус (30). У БАТЭ дакладным ударам адзначыўся Мікалай Сігневіч (90+).

Акрамя Суперкубка брэстаўчане атрымаюць грашовы прыз у памеры дзевяці тысяч рублёў, барысаўчане разам са срэбнымі медалямі — чатыры тысячы рублёў.

Суперкубак Беларусі разыгрываецца з 2010 года. БАТЭ прымаў удзел ва ўсіх вырашальных матчах, цяперашняя параза для "жоўта-сініх" стала другой у гісторыі. У фінале ў 2012 годзе барысаўчане саступілі "Гомелю" (0:2). Берасцейцы жа ўпершыню ў гісторыі ўступілі ў барацьбу за трафей і выйгралі.

Мінск, 11 сакавіка 2018
Sputnik
 
Дата публикации:11.03.2018
Тематика:Новости, Спорт и Туризм
Просмотров:182
 
Ключевые слова:
Кубок Беларуси Футбол Динамо Брэст
 
 


Комментарии



 



Другие новости по этой теме