Сярод беларускіх удзельнікаў уладальнікам прыза глядацкіх сімпатый стаў Хрушч Майс. Сярод латвійскай аўдыторыі найбольшай увагі ўганараваўся Вожык, паведамілі ў прэс-службе Беларускай федэрацыі хакея.

Крэатарам ідэі талісмана, які заваяваў сэрцы беларускай публікі, стаў Дзмітрый Галіноўскі. Канцэпцыю маскота, які спадабаўся латвійскім балельшчыкам, распрацаваў дызайнер Яніс Бурмейстэр. Прысуджэнне прыза глядацкіх сімпатый было заснавана на выніках галасавання карыстальнікаў на сайце Федэрацыі хакея Беларусі і на афіцыйнай старонцы грамадскага аб`яднання ва "Укантакце".

На конкурс ідэй талісмана было даслана больш за 100 заявак ад прадстаўнікоў Беларусі і Латвіі, прычым свае працы дасылалі як прафесійныя мастакі і студыі дызайну, так і звычайныя аматары хакея. У шорт-ліст, прадстаўлены грамадскасці, увайшлі 30 работ.

Што тычыцца выбару афіцыйнага талісмана планетарнага першынства па хакеі, за якога будуць галасаваць члены зорнага журы, то пераможца конкурсу стане вядомы 24 лютага.

Чэмпіянат свету па хакеі з шайбай пройдзе 7-23 мая 2021 года ў сталіцах Беларусі і Латвіі.

Звязда, 7 лютага 2020