Беларус Максім Мірны (36-е месца ў парным рэйтынгу) і іспанец Фелісіяна Лопес (52) выйшлі ў паўфінал тэніснага турніру ў Цынцынаці (прызавы фонд 3.826.655 долараў). У чвэрцьфінале беларуска-іспанскі дуэт перамог Леандара Паеса (30) з Індыі і швейцарца Станісласа Ваўрынку (136) з лікам 3:6, 6:2, 14:12 (тай-брэйк). 

У першым крузе Мірны і Лопес абыгралі ўругвайца Пабла Куэваса (29) і суайчынніка Лопеса Давіда Марэра (24) — 7:6 (7:2), 3:6, 10:6 (тай-брэйк), а ў другім раўндзе ўзялі верх над італьянцамі Сімоне Балелі (8) і Фабія Фаньініва (7) — 6:3, 6:3. 

Андрэй Шмялёў, БелаПАН
Мінск, 22 жніўня 2015