27 лютага ў чацвёртым крузе беларуская тэнісістка перамагла амерыканку Венус Уільямс (17) — 2:6, 6:2, 6:4. Дагэтуль саперніцы сустракаліся чатыры разы, і ва ўсіх выпадках спартсменка з Беларусі была слабейшай.

У рашаючым мачы Азаранка сустрэнецца з чэшкай Лючыяй Шафаржавай (15). Тут лік асабістых сустрэч 6:0 на карысць тэнісісткі з Беларусі. Разам з тым іх апошні матч адбыўся ў 2011 годзе.

Азаранка выйграла турнір у горадзе Доха ў 2012 і 2013 гадах. У мінулым сезоне яна прапусціла спаборніцтвы з-за траўмы.

Дзмітрый Уласаў, БелаПАН
Мінск, 28 лютага 2015