Беларуская тэнісістка Вікторыя Азаранка выйшла ў паўфінал турніру ў аўстрыйскім Лінцы з прызавым фондам 220 тыс. долараў ЗША.
У стартавым матчы (1/16 фіналу) першая ракетка свету выйграла ў Аранчы Рус з Нідэрландаў (69) — 6:0, 6:2, у другім крузе — у румынкі Сімоны Халеп (46) — 6:1, 6:1, у трэцім — у харваткі Петры Марціч (64) — 6:2, 6:2.
Наступная саперніца Азаранкі вызначыцца ў матчы румынкі Ірыны-Камеліі Бегу (57) з амерыканкай Бетані Матэк-Сэндс (201).
Дзмітрый Уласаў,
БелаПАНМінск, 12 кастрычніка 2012
